Awdur: Carl Morris

Twitter: @carlmorris

Astroid Boys yn saethu fideo yng Nghaerdydd – angen torf heddiw

Os wyt ti yng Nghaerdydd heddiw a ti eisiau bod yn y fideo newydd Astroid Boys, cer i Glwb Ifor Bach am 6PM heno. Neu wedyn yn y maes parcio aml-lawr ar diwedd y stryd, wedyn tua 7:15PM ar Northcote Lane tu ôl Milgi. Mae’r criw grime o Gaerdydd wedi gwahodd nifer eitha da o bobol yn barod yn ôl bob sôn.

Os dwyt ti ddim yn gyfarwydd ar Astroid Boys, yn ôl Kaptin os oedd grime arferol o Lundain yn Public Enemy maen nhw yn debyg i’r Beastie Boys – yn hytrach na grime difrifol gyda themau tywyll ac ymosodol maen nhw yn dod gyda grime am dy barti. (Gyda llaw cer i’u blog Chrome Kids i ddilyn datblygiadau yn dubstep, hip-hop a seiniau Caerdydd.)

Dyma’r fideo diwethaf, cyfarwyddiwyd gan Tim Fok:

blog Astroid Boys
Astroid Boys grwp Facebook
Astroid Boys ar Soundcloud

FIDEO: Gareth Potter a Huw Stephens am #g20g “llythyr caru”


Mwy o Gareth Potter heddiw, newydd gweld cyfweliad 10 munud gyda Huw Stephens am Gadael yr Ugeinfed Ganrif, y cynhyrchiad Sherman/Dan Y Gwely. Hoffi’r wal o finyl yn y cefndir.

Mae’r sioe yn Chapter, Caerdydd wythnos yma ac ar daith ym mis Mawrth.

Gweler hefyd ar Y Twll: Darn Awst 1992 o’r sgript Gadael yr Ugeinfed Ganrif neu… POPETH GYDA POTTER AR Y TWLL!

Ffansin newydd gan Cravos a ffrindiau

Mae Cravos yn dweud:

helo! chwilio am gyfraniadau ar gyfer ffansin newydd… adolygiadau o gigs, erthyglau gwleidyddol, dwdls – yr unig rheol ydi bod cyfraniadau yn gorfod cael eu gwneud heb gyfrifiadur – hand-drawn neu teipiadur yn unig! anfonwch neges ar gyfer cyfeiriad i bostio eich stwff.

Gadawa sylw yma os ti eisiau helpu neu gofyna Cravos am y cyfeiriad a manylion eraill.

Dokkebi Q, seiniau craiddcaled a melys o Tokyo trwy Dalston

Mae Dokkebi Q yn dod o Tokyo trwy Dalston, dwyrain Llundain ac yn gynnwys aelodau Kiki Hitomi a Gorgonn. Mae Kiki yn canu yn Saesneg a Japaneg, weithiau yn yr un gân. Efallai rwyt ti wedi clywed ei waith llafur gyda Goth Trad neu King Midas Sound/The Bug eisoes.

Os ti’n cyfarwydd ar dubstep o Japan fel Goth Trad a Quarta 330 byddi di’n adnabod rhai o’r elfennau gan cynhyrchydd Gorgonn. Mae fe’n cymryd y bas a churiadau o dub(step) a dancehall ac yn cymysgu gyda seiniau arcêd a samplau. Mae Kiki yn dod gyda efallai mwy o felyster ac elfennau annisgwyliadwy na’r sain dub clasurol fel dyfyniadau hip-hop ac agwedd pioden gyffredinol.

Dw i’n methu ffeindio crynodeb well na’r enw yr albwm newydd, sef Hardcore Cherry Bon Bon.