Carl Morris, Author at Y Twll

Tate à Tate: sylwebaeth amgen yn erbyn BP

Os wyt ti’n ffan o gelf, ymgyrchu a’r amgylchedd does dim rhaid i ti dilyn y sylwebaeth swyddogol am waith celf yn yr orielau Tate.

Mae Tate à Tate yn brosiect awdio i gynnig sylwebaeth amgen am Tate Britain, Tate Boat a Tate Modern. Mae’r sylwebaeth yn cyfeirio at weithredoedd y cwmni olew BP, noddwyr Tate.

Dw i wedi mewnosod yr awdio am Tate Modern uchod. Wrth gwrs mae’r awdio ar gael i bawb unrhyw bryd ond yn delfrydol rwyt ti’n lawrlwytho’r awdio fel MP3 ac yn chwarae’r ffeil ar clustffonau tra bod ti’n crwydro’r orielau. Mae’r sylwebaeth gan leisiau gwahanol yn sôn am hanes BP, Irac, damweiniau, llywodraethau a’r cysylltiadau rhwng BP a Tate.

Mae’n enghraifft ddiddorol a phrofoclyd o hacio diwylliannol. Beth sydd yn ddiddorol i fi ydy’r potensial i ail-ddiffinio digwyddiadau, profiadau, gofodau ac amgylcheddau (yn yr ystyr ecolegol a’r ystyr cyffredinol). Mae ambell i enghraifft o bethau yng Nghymru sydd yn haeddu’r un math o brosiect…

Tyfu’r sîn comics yn Gymraeg

gan Huw Aaron ac Osian Rhys Jones

Huw Aaron yn dweud:

Dwi’n awyddus iawn i ffindo mwy o bobl sy’n creu straeon stribed/comics yn y Gymraeg. Mae’n hen bryd gael rhyw fath o ‘sîn’ comics yn y Gymraeg, ond wrth chwilio ar Google, yr unig pethe sy’n troi lan yw Dalen (sy’n gwneud gwaith da iawn o gyfieithu comics Ffrengig i’r Gymraeg), a stwff fi! […]

Darllena’r cofnod blog llawn gan Huw yma – gyda’r fersiwn llawn o’r cartwn gyda Osian Rhys Jones.

Patrwm: 108 munud o gerddoriaeth rhyfedd

Iwan 'Recall' Morgan

Mae hwn yn hyfryd iawn. Diolch i Electroneg am gyfeirio at Patrwm, sef podlediad newydd gyda cherddoriaeth ‘arbrofol’/anarferol/electronig/clasuron cwlt o’r Almaen a thipyn bach o siarad:

Patrwm yw cyfres/darllediad/rhaglen/podlediad newydd gan Iwan Morgan aka Recall y cynhyrchydd o fri. Mae Patrwm 1 yn llawn o pethau neis a da, newydd a hen, o bell ag agos megis Oneohtrix Point Never, Faust, Sunburned Hand Of The Man, Pen Pastwn, Keith Fullerton Whitman, Kraftwerk ac yn y blaen. Dyna ddigon o eiriau – gwrandewch.

Mae modd ffrydio neu lawrlwytho MP3 fan hyn:

Arbennig.

Mae rhestr o draciau ar patrwm.com.

Y llais a throelliwr tu ôl y peth yw Iwan ‘Recall’ Morgan, sef cynhyrchydd/peirianydd sydd wedi gwneud prosiectau cerddorol gyda Richard James, Texas Radio Band, Headcase Ladz ac MC Sleifar, Zabrinski, Euros Childs a Gruff Rhys.

FIDEO: Datblygu – Maes E

Maes E.

Wrth gwrs mae lot o bobol Y Twll yn gyfarwydd ar y cân ond wyt ti wedi gweld y fideo?

Cafodd y cân ei rhyddhau yn 1992 yn wreiddiol ar finyl 7″ ac wedyn ar drydydd albwm Datblygu, Libertino.

Yn diweddar rydyn ni wedi bod yn cwestiynu retromania ond dw i ddim yn siŵr os ydy e’n cyfrif yn union fel retromania os wyt ti erioed wedi ei gwylio o’r blaen. Dyma beth sydd yn ddiddorol am lot o fideos a phethau pop Cymraeg / SRG sydd ddim wedi cyrraedd YouTube neu y we eto (diolch i Victoria Morgan am rannu’r fideo heno).

Ffaith: mae lot o gyfeiriadau diwylliannol yn y cân ond mae’r un mwyaf cryptaidd am ‘cig’ (3:35) wedi dod, o bosib, o’r ffaith bod David R. Edwards yn llysieuwr.

Rhagor o ddolenni Datblygu30

30 mlynedd o Datblygu

Arddangosfa Datblygu30

Bore yma gwnes i weld yr arddangosfa Datblygu yn Waffle, Caerdydd (63 Heol Clive, Treganna – ddim yn bell o Dafarn y Diwc).

Mae’r perchennog caffi Waffle, Victoria Morgan, wedi bod yn casglu eitemau Datblygu ac mae hi’n croesawi unrhyw fenthyciadau er mwyn ehangu’r casgliad. Wedi dweud hynny, mae’r amrywiaeth o luniau, cloriau, gohebiaeth ac adolygiadau yn wych eisoes, gan fod Victoria yn chwaer i Patricia Morgan o’r band.

Fel mae’n digwydd, eleni mae’r band dylanwadol yn dathlu 30 mlynedd ers dechrau fel deuawd o Aberteifi – David R. Edwards a T. Wyn Davies. Roedd adolygiadau Y Cymro a Sgrech yn 1982 o’r casét cyntaf Amheuon Corfforol yn ffafriol iawn. Dyma’r cân Problem Yw Bywyd o’r casét:

Ymunodd Patricia Morgan y band yn 1985 ac wedyn wnaeth y band tri albwm ardderchog, pum sesiwn i John Peel ac ambell i fideo i Criw Byw a Fideo9 ar S4C gan gynnwys Santa a Barbara:

A mwy… Ar hyn o bryd mae bwcibo cyf, cwmni y cynhyrchydd Owain Llŷr, wrthi’n creu Prosiect Datblygu (bwcibo 005), sef ffilm ddogfen annibynnol Cymraeg i ddathlu trideg mlynedd o Datblygu. Bydd premiere yn Theatr Mwldan, Aberteifi tua mis Medi 2012.

Tra bod i’n siarad am ffilm dyma clip o Llwch ar y Sgrin am sesiwn Datblygu yn 2008 pan wnaethon nhw recordio’r sengl olaf Can y Mynach Modern (diolch i Pete Telfer a’r Wladfa Newydd, sydd wedi sgwennu erthygl newydd am y dathliad).

Am ragor o wybodaeth am y dathliadau cer i Datblygu30.

Mae Nic Dafis yn rhedeg gwefan (an)swyddogol ynglŷn â phopeth Datblygu.

DIWEDDARIAD: mae Lowri Haf Cooke wedi sgennu lot mwy am yr arddangosfa gyda lluniau hefyd, mmm.