Plyci a ffrindiau yng Ngwyl Sŵn

Ardderchog!

Cân o’r enw Flump o’r Flump EP ar Recordiau Peski.

A phwy yw Plyci? Dim ond y peth gorau o’r Rhyl ers Kwik Save.

Llawer mwy trwy’r tudalen Plyci ar Soundcloud.

Paid anghofio, mae Plyci yn chwarae yn fyw nos Wener yma fel rhan o’r noson Electroneg yng Ngwyl Sŵn, Caerdydd gyda:
Dam Mantle (Recordiau Wichita)
Quinoline Yellow (SKAM)
Cian Ciarán (Super Furry Animals / Acid Casuals / Aros Mae / WWZZ / Pen Talar)
ac Electroneg DJs.

IDDI.

Saunders Lewis, Andy Warhol, ailgymysgiadau ac Ankst

Saunders Lewis vs Andy Warhol

Dyn ni’n byw yn yr oes remix. Dros y misoedd diwetha dw i wedi bod yn dilyn ailgymysgiadau – nid jyst cerddoriaeth ond delweddau, ffilm, diwylliant yn cyffredinol. Eisiau gweld mwy os oes gyda ti mwy.

Nes i bostio delwedd o Saunders Lewis fel firestarter wythnos diwetha. Dw i newydd gofio’r ddelwedd yma o Saunders Lewis fel seren clawr o’r ffilm Saunders Lewis vs Andy Warhol gan Ankst.

Unrhyw ailgymysgiadau Saunders eraill? Delweddau, hen neu newydd?

Mae fe wedi cael ei defnydd yn ganeuon hefyd (gan Tŷ Gwydr – ac eraill?)

Gyda llaw dyma’r poster gwreiddiol o Joe Frazier a Muhammad Ali (sori Ankst). Enillodd Frazier (corff Saunders).

YCHWANEGOL: Newydd cofio’r Sleeveface hefyd. Duh.

Seiniau o’r siop elusen gyda Kotchy (albwm am ddim)

Dw i wedi bod yn dilyn Kotchy o Frooklyn, Efrog Newydd ychydig, mae e’n cymryd y darnau gorau o ddylanwadau hip-hop, Prince a cherddoriaeth electronica lliwgar a glitshlyd. Efallai yn yr un categori a’r artistiaid Warp, Hudson Mohawke a Rustie.

Baggy Spandex yw ei albwm newydd sydd ar gael trwy Soundcloud gyda llawer o samplau o hen recordiau. Paid ag ofni’r disgrifiad “seiniau o’r siop elusen”, er bod lot o’r caneuon gwreiddiol yn eitha cawslyd (Billy Joel etc.) mae fe’n ailgylchu’r samplau mewn ffordd greadigol. Mae’r canlyniadau yn swynol.

(Diolch Chrome Kids.)