Categori: Cerddoriaeth

FIDEO: Gareth Potter a Huw Stephens am #g20g “llythyr caru”


Mwy o Gareth Potter heddiw, newydd gweld cyfweliad 10 munud gyda Huw Stephens am Gadael yr Ugeinfed Ganrif, y cynhyrchiad Sherman/Dan Y Gwely. Hoffi’r wal o finyl yn y cefndir.

Mae’r sioe yn Chapter, Caerdydd wythnos yma ac ar daith ym mis Mawrth.

Gweler hefyd ar Y Twll: Darn Awst 1992 o’r sgript Gadael yr Ugeinfed Ganrif neu… POPETH GYDA POTTER AR Y TWLL!

Dokkebi Q, seiniau craiddcaled a melys o Tokyo trwy Dalston

Mae Dokkebi Q yn dod o Tokyo trwy Dalston, dwyrain Llundain ac yn gynnwys aelodau Kiki Hitomi a Gorgonn. Mae Kiki yn canu yn Saesneg a Japaneg, weithiau yn yr un gân. Efallai rwyt ti wedi clywed ei waith llafur gyda Goth Trad neu King Midas Sound/The Bug eisoes.

Os ti’n cyfarwydd ar dubstep o Japan fel Goth Trad a Quarta 330 byddi di’n adnabod rhai o’r elfennau gan cynhyrchydd Gorgonn. Mae fe’n cymryd y bas a churiadau o dub(step) a dancehall ac yn cymysgu gyda seiniau arcêd a samplau. Mae Kiki yn dod gyda efallai mwy o felyster ac elfennau annisgwyliadwy na’r sain dub clasurol fel dyfyniadau hip-hop ac agwedd pioden gyffredinol.

Dw i’n methu ffeindio crynodeb well na’r enw yr albwm newydd, sef Hardcore Cherry Bon Bon.

Ffeiliau Ffansin: Llmych gyda Gareth Potter yn 1988

Ffeiliau Ffansin yw cyfres achlysurol ar Y Twll – delweddau o hen ffansins gyda pherthnasedd i heddiw.

Enw y ffansin heddiw yw Llmych. Mae Huw Prestatyn yn dweud “penderfynwyd ar yr enw reit ar ddiwedd cyfarfod hir hir Rhanbarth CyIG. Pawb yn mynd yn ffed up efo’r enw yn syth a galwyd y rhifynau canlynol yn “Chmyll”, “Mychll” etx.. nes dropio’r enw yn gyfan gwbl. “Cynhyrfu Addysgu Trefnu” oedd o tiwn rap old skool uffernol… efo rapper yn dweud “Educate Agitate Organise” ynddi, sef hen slogan undeb llafur Americanaidd.”

“Beth sydd wedi bod yn digwydd ers y rhifyn diwethaf?” meddai’r golygyddol yn rhifyn Haf 1988. Mae rhai o’r atebion yn ffurfio ein cyd-destun:

  • Peel Sessions gan y Llwybr Llaethog, Plant Bach Ofnus, Y Fflaps a Datblygu.
  • Sefydlu label Ankst yn Aberystwyth.
  • Bernard Manning yn perfformio’n Y Rhyl.
  • Fideo 9 yn dechrau.
  • Trac oddi ar y E.P. “Galwad ar holl filwyr byffalo Cymru” yn cael ei chwarae ar y South Bank Show fel rhan o raglen Ken Russell ar hanes cerddoriaeth.

Yn yr un rhifyn o Llmych oedd erthyglau am Malcolm X, Y Fflaps, Label Ofn a’r cyfweliad isod gyda Gareth Potter – gan Bronwen Miles.

SRG: Schiavone, Roc a Golwg360

Mae Owain Schiavone, prif weithredwr Golwg360 a golygydd Y Selar, yn gollwng y term “R.I.P. SRG” yn gofnod blog – ac ail gofnod.

Ond chwarae teg, mae fe’n dadbacio’r term a’i dadl.

Un o’i achwynion yw’r diffyg gigs Cymraeg:

Rydan ni wedi colli rhai o’r prif wyliau cerddorol mawr, ac er bod hynny wedi arwain at sefydlu rhai gwyliau bach newydd, ar y cyfan mae’n beth negyddol i’r sin. Mae gigs ar lawr gwlad yn brin iawn hefyd – y tu allan i Gaerdydd, heblaw am Dafarn y Gwachel ym Mhontardawe a gigs Dilwyn Llwyd yng Nghaernarfon, does ‘na ddim gigs Cymraeg rheolaidd gwerth sôn amdanyn nhw. Fedrai ddim cofio’r tro diwethaf i mi weld gig Cymraeg yn cael ei hyrwyddo yn Aberystwyth! Dwylo fyny, mae ‘na fai ar bobl fel fi (oedd yn arfer trefnu gigs rheolaidd) am beidio â mynd ati i drefnu gigs yn rhywle fel Aber. Tra bod problemau trefnu gigs yn Aber yn flog arall ynddo’i hun, y gwir amdani ydy fod trefnu gigs yn wirfoddol yn cymryd llawer iawn o egni ac amser ac mae blaenoriaethau pobl yn newid.

Yn fy marn i, mae’r Cymry Cymraeg wedi tanbrisio ei bandiau am ddegawdau. Roedd pobol tu allan o Gymru arfer bod yn bwysig iawn i ddangos i Gymry pa mor dda oedd y dalent yng Nghymru. Enghreifftiau? Cefnogaeth John Peel, o Lerpwl yn wreiddiol, am fandiau pan roedd Radio Cymru yn hwyr neu ddim yn unlle gyda nhw.

Beth am y crynoadau Welsh Rare Beat? Dangosodd Andy Votel o Fanceinion “cerddoriaeth rhieni” i’r genhedlaeth nesaf a wedyn mae’n OK. (Er bod Gruff Rhys yn ymgynghorydd ar y projectau.) Mae Finders Keepers wedi gwerthu mas o grysiau-t Sain. Pwy elwodd? Jyst gofyn.

“Enghraifft” gyfoes? Gwelais i’r erthygl yma am Y Niwl yn Golwg360: gefnogaeth dda am y band yn y Sunday Times, 6Music, Mojo ac Xfm – llongyfarchiadau iddyn nhw am allfeydd cyfryngau tu allan o Gymru. Iawn ond yr awgrym i fi o Golwg360: mae’r band ‘ma yn “stori go iawn” nawr. Dw i’n methu ffeindio cyfeiriadau arwyddocaol i’r Niwl yn Golwg360 cyn hynny, dyna’r arsylliad. Beth wyt ti’n meddwl? (Sori Golwg360. Gweler sylw gan Ifan. Diolch.)

Mae’r cyfryngau sefydliadol gallu bod yn geidwadol yng Nghymru, rydyn ni’n gwybod. Beth am y diffyg cyfryngau tanddaearol? Mae’n broblem ddifrifol i’r sin a chreadigrwydd (dyna hanner y stori pam Y Twll yw’r enw o’r blog ‘ma). Wrth gwrs mae rhai o allfeydd penderfynol yn bodoli (Jazzffync a Gemau Fideo). Ond dw i’n bwriadu postio lluniau o hen ffansins cyn bo hir i ddatblygu’r pwynt.

Darllena’r cofnod cyntaf ac yr ail.