diwylliannau | celf | cerddoriaeth | ffilm | gwleidyddiaeth | treigladau ansafonol | hollol annibynnol ers 2009
Dyma ddarlun Yng Nghaeau Cwsg gan Huw Aaron sydd yn rhan o lyfr O Annwn i Geltia, casgliad o gerddi gan Aneirin Karadog. Mae Huw yn siarad am ei chyfraniad i lyfr Aneirin heddiw, gyda rhagolwg o ddarluniau.
Huw oedd dylunydd y logo Y Twll, rydyn ni’n wastad yn cymryd diddordeb yn ei waith e.
Fy obsesiwn newydd yw Supercuts, fideos doniol sydd yn casglu clipiau ar thema. Maen nhw wedi bodoli am flynyddoedd yn ôl y sôn ond nawr mae rhywun o’r UDA o’r enw Andy Baio wedi casglu pob un o YouTube a Vimeo.
Bydd yr enghreifftiau isod yn egluro’r apêl.
Dyma casgliad o ffilmiau lle mae cymeriad yn dweud ‘You just don’t get it, do you?’.
Dw i’n caru’r casgliad yma o sinau gyda drych mewn ffilmiau arswyd.
Mae’r diweddar Steve Jobs yn dweud ‘Boom’ mewn cyflwyniad sawl gwaith. Joio.
Mae cyfanswm o 295 fideo Supercut ar y wefan supercut.org hyd yn hyn gan gynnwys ffilm, gemau, teledu a bywyd go iawn.
Gweler hefyd: Kevin Kelly, sefydliwr cylchgrawn Wired, yn trafod Supercuts.
Dyma glawr gwych o albwm CA2 gan fand gwerin Geltaidd o’r enw Carraig Aonair recordiwyd yn Abertawe nôl yn 1983 pan oedd dylanwadau synth-pop yn yr awyr.
Traciau:
1. Y Gwydd
2. Pelot De Betton
3. Y Set Gymreig
4. Jigiau Nadolig
5. Farwell To Frances
6. Tra Bo Dau
7. Lisa Lân
8. Llanymddyfri
9. The Beggar
10. Clychau Aberdyfi
Mae rhai o’r tiwns eraill ar y Myspace os wyt ti’n chwilfrydig. Ond gobeithio bydd Lisa Lân ar-lein cyn hir hefyd – yn ôl y sôn mae’r fersiwn electroneg o’r clasur yn anhygoel; fel Kraftwerk Celtaidd. Defnyddiodd y BBC y cân fel thema rhaglen newyddion dyddiol ar Radio 4 yn yr 80au (ffynhonnell: gwefan nhw ond unrhyw un yn gwybod pa raglen?)
DIWEDDARIAD: mae rhwyun wedi postio’r celf clawr a’r cân:
Llun gan stanno
Dyma fideo byr o strydoedd Barranquilla, Colombia o 23 mis Gorffennaf 2011 gan y gwneuthurwr fideo ac artist Carolina Vasquez sy’n dod o Miami, UDA yn wreiddiol a bellach yn byw yng Nghaerdydd.
Mae Vasquez wedi bod yn gweithio fel aelod o’r grŵp celfyddydol newydd CuatrOOjos sy’n wneud prosiectau trefol gyda’i chyd-aelod Bethan Marlow o Fethel/Caerdydd a tua 11 aelod arall.
Mae’r llygad enfawr (diamedr 1.5 metr) yn mynd i lefydd gwahanol yn Barranquilla: Plaza o Sant Nicholas, Paseo Bolivar, Edificio Garcia, Teatro Rex, ac yn gorffen yn yr eglwys gadeiriol. Dewisodd CuatrOOjos yr ardaloedd i gwrdd ag amrywiaeth eang o bobol. Mae’r daith yn gorffen pan mae’r llygad yn cael ei llenwi gydag atebion i’r cwestiwn ‘Yo desearia poder ver’ (‘Hoffwn i weld’).
Dw i newydd ffeindio’r fideo yma o 2009 am y wal graffiti ardderchog yn Nhre-Biwt, Caerdydd. Gwnaf i adael yr adroddwr Anthony Brito (un o’r bobol sy’n gyfrifol am y gwaith celf gyda’r artist Kyle Legall) i ddweud y stori yn ei eiriau ei hun.
