Dw i newydd ffeindio blog newydd am wyddbwyll:
Dyma dri fideo am yr un pwnc. Ysbrydoliaeth.
Categori: Cyfryngau
Helpu chi i helpu’ch hunan. Beth yw Gyrfa 2000?
Mae cyfeiriadau i’r sefydliad Gyrfa 2000 wedi bod yn mynd o gwmpas y we cymdeithasol. Cer am grwydro o gwmpas y gwefan gyrfa2000.org.uk.
Rwyt ti’n gallu ffeindio holiadur am yrfaoedd ar y gwefan a Facebook (1,497 o ddefnyddwyr Facebook hyd yn hyn) ac o leiaf un cymeriad ar Twitter ag un gwefan arall gyda thema ZX Spectrum sy’n edrych yn gysylltiedig. Paid ag anghofio’r fersiwn Saesneg o’r gwefan chwaith. Mae’r gwefan bron yn berffaith – lawr i’r lluniau GIF animeiddiedig, neges sgrolio, a thagiau <TABLE> hen ffasiwn yn y cod (dim CSS yma!).
Dylet ti anfon ebost at y cyfeiriad ebost ar y wefan… Does dim lot o wybodaeth ar y cofnod WHOIS am yr enw parth chwaith. Dyddiad cofrestru oedd mis Ionawr eleni er bod e’n edrych fel gwefan o’r 90au (heblaw y diffyg www yn yr enw, sy’n ffasiwn eitha diweddar).
Felly pwy sydd tu ôl y peth? Dw i wedi clywed theori neu ddau…
Efallai dylen ni archwilio ychydig mwy ac efallai mwynhau’r dirgelwch am y tro, o leiaf am tuag wythnos arall.
Chwedl Arthur: trêl i’r nofel graffeg
600OC. GENI CHWEDL! MYRDDIN! OESAU TYWYLL! SAESON! BRAD! Fideo newydd i hyrwyddo’r nofel graffeg newydd Chwedl Arthur, ar gael trwy Dalen Llyfrau o Dresaith. Yn eu hôl nhw: “Chwedl Arthur yw’r nofel graffeg sy’n seiliedig ar y traddodiadau Cymreig hynaf am Arthur, yn adrodd hanes Myrddin, dyfodiad y Saeson a goruchafiaeth Arthur dros y gelyn.”
Ffansin newydd gan Cravos a ffrindiau
Mae Cravos yn dweud:
helo! chwilio am gyfraniadau ar gyfer ffansin newydd… adolygiadau o gigs, erthyglau gwleidyddol, dwdls – yr unig rheol ydi bod cyfraniadau yn gorfod cael eu gwneud heb gyfrifiadur – hand-drawn neu teipiadur yn unig! anfonwch neges ar gyfer cyfeiriad i bostio eich stwff.
Gadawa sylw yma os ti eisiau helpu neu gofyna Cravos am y cyfeiriad a manylion eraill.
Ffeiliau Ffansin: Llmych gyda Gareth Potter yn 1988
Ffeiliau Ffansin yw cyfres achlysurol ar Y Twll – delweddau o hen ffansins gyda pherthnasedd i heddiw.
Enw y ffansin heddiw yw Llmych. Mae Huw Prestatyn yn dweud “penderfynwyd ar yr enw reit ar ddiwedd cyfarfod hir hir Rhanbarth CyIG. Pawb yn mynd yn ffed up efo’r enw yn syth a galwyd y rhifynau canlynol yn “Chmyll”, “Mychll” etx.. nes dropio’r enw yn gyfan gwbl. “Cynhyrfu Addysgu Trefnu” oedd o tiwn rap old skool uffernol… efo rapper yn dweud “Educate Agitate Organise” ynddi, sef hen slogan undeb llafur Americanaidd.”
“Beth sydd wedi bod yn digwydd ers y rhifyn diwethaf?” meddai’r golygyddol yn rhifyn Haf 1988. Mae rhai o’r atebion yn ffurfio ein cyd-destun:
- Peel Sessions gan y Llwybr Llaethog, Plant Bach Ofnus, Y Fflaps a Datblygu.
- Sefydlu label Ankst yn Aberystwyth.
- Bernard Manning yn perfformio’n Y Rhyl.
- Fideo 9 yn dechrau.
- Trac oddi ar y E.P. “Galwad ar holl filwyr byffalo Cymru” yn cael ei chwarae ar y South Bank Show fel rhan o raglen Ken Russell ar hanes cerddoriaeth.
Yn yr un rhifyn o Llmych oedd erthyglau am Malcolm X, Y Fflaps, Label Ofn a’r cyfweliad isod gyda Gareth Potter – gan Bronwen Miles.
